مدونة مريم : ليدي فنجر

السلام عليكم
144769047069411

من منا لا يحب هذه الحلوى
انا شخصيا نموت عليها biggrin2

خاصة وهي مقرمشة وتذوب في الفم
حبيتكم تشاركوني تجربتي الي راهي ناجحة 100 ب100

نجو للمقادير وطريقة الطهي:

نحتاج 2بيضات كاملين نفصل البياض عن الصفار ونضع كل منهما في اناء
نضرب البياض البيض حتى يتضاعف حجمه ويصير مثل الثلج وقتها نضيق قرصة ملح يعني بين صباعك فقط ونضيف له ربع كأس سكر ونخلط الكل مدة 3دقائق ومن باعد نخليه بجهة ونروح للصفار
نضربه شوية ومن باعد نزيد له ربع كأس سكر والفاني تقريبا نصف ملعقة صغيرة ونضربه مليح حتام يخثار الخليط ويبياض
وقتها نتوقف نضيف له البياض الي ضربناه وبالشوية برك لكن التخلاط يكون بالملعقة ويكون الخلط من الفوق الى التحت
يعني ماشي غير نخلطوا فقط rolleyes

حتى نكمل البياض كله وقتها نزيد له ملعقتين اكل فرينة ونخلط تاني بالشوية برك
وبعدها نجيب الصينية الخاصة للفرن نرشها بالفرينة واما نحط عليها ورق الشمع
وبواسطة كيس حلواني نشكل اصابع ونرشها من فوق بالسكر الأحرش وندخله الفرن مدة 6دقائق من التحت ونشعل عليه من فوق باش يتحمر ونخليه يبرد تماما وباش نقدروا ناكلوه ويكون مقرمش مثل الي يتباع برا والبنة روووووووعة ما يفرقش بين الي يتباع
جربوه ومش رح تندموا لانه حقيقي روعة