الشخشوخة البسكرية

السلام عليكم

اليوم جبت لكم طبق الشخشوخة البسكرية بأدق التفاصيل
المقادير :

حبة بصل مقطعة رقيق
2حبات طماطم مرحية
2حبات بطاطا
2حبات كوغجات أو جريوات كل واحد كيفاش يسميها
2حبات لفت
ملعقة أكل طماطم مصبرة
ملعقة صغيرة فلفل أسود أو ابيض
ملعقة راس حانوت وملح
ملعقة فلفل أحمر وحار
شوية فرماس(مشماش مجفف)
ملعقة صغيرة سكر
فلفل أخضر
لحم او دجاج حسب الرغبة
2ملاعق أكل زيت
وحمص ويقطين او كابويا
طريقة التحضير:

نضع في طنجرة الدجاج ونضيف له الطماطم المرحية والبصل والزيت والتوابل والطماطم المصبرة
نخلط الكل وبعدها نضعه على نار متوسطة وعندما تلاحظي ان المرق بدأ بالغليان نقصي النار وخليها هادئة


 

تقطع الخضر بهذه الطريقة



للعجين نحط الدقيق في قصعة ونحط فيه الملح حسب الحاجة ومن باعد نسكب الماء حتى يصير عجين متماسك



مثل هذا العجين في الصورة



بعد العجن ندهن الزيت على سطح أملس ونقسم العجين على شكل كويرات صغيرة بهذا الشكل ونتركها ترتاح مدة 15 دقيقة ونغطيها بكيس بلاستيكي



من جهة أخرى تكون الخليط نتاعنا بدأ بالغليان 



هذا الفرماس يعني مشمش مجفف يكون خاص بالشخشوخة او العيش الي يسموه البركوكش
نحط شوية في كسرونة صغيرة ونزيد له الماء ونخليه يغلي باش يطلق روحه ويصير لين


ورح تلاحظي على حواف القدرة ان الزيت صار فوق وقتها نضيف الخضر والماء ونسكر الكوكوت ونخلي الخضر تطيب نصف طياب فقط






ومن ناحية أخرى نكون وجدت اليقطين وقطعته بهذا الشكل



وهذا شكل الفرماس بعد الغليان في الماء وقتها تحاولي ترحيه بالشوكة مثل الصورة ونخليه في جهة
ونرجع للعجين الي يكون ارتاح , نحط الطاجين الحديدي مثل مانقولوله نحن الطاوة ونبدأ بطهي الرقاق الي هو لفطير
نبسط الكويرات على سطح املس ولا ننسى الزيت ونحط وحدة فوق وحدة والطريقة هذه تسمى البرنوس





بعد ما نكمل طهي كل الفطير نفتته بهذه الطريقة ومن باعد نخبيه في كيس بلاستيكي او في
علبة محكمة الغلق باش ماييبسش



من جهة أخرى تكون المرق نتاعنا خضره طابت نصف طياب وقتها نضيف لها اليقطين والفرماس والفلفل الاخضر ونضيف القليل من السكر ونغلق على الكوكوت ونخليها تكمل الطهي




هذي الشخشوخة نتاعنا صارت طايبة وخلاص اذا حبيتي ذوقي الملح اذا كان ناقص زيدي



وهنا راهي واجدة للأكل
بصحتكم ان شاء الله
ان شاء الله يكون عجبكم طبق اليوم الى طبق آخر ان شاء الله